૨૮ વર્ષના ભવ્ય વારસા સાથેપાદરા ની ઝેન સ્કૂલ દ્વારા વાર્ષિક મહોત્સવ ‘અહં બ્રહ્માસ્મિ’ની ઉજવણીકરવામાં આવી
: શિક્ષણ ક્ષેત્રે ૨૮ વર્ષનો ભવ્ય અને ગૌરવશાળી વારસો ધરાવતી પાદરાની સુપ્રસિદ્ધ ઝેન સ્કૂલ દ્વારા તાજેતરમાં તેના વાર્ષિક મહોત્સવ ‘અહં બ્રહ્માસ્મિ’ ની અત્યંત ભવ્યતા સાથે ઉજવણી કરવામાં આવી હતી. લગભગ ત્રણ દાયકાથી શિક્ષણની જ્યોત જલાવતી આ સંસ્થાએ દર વર્ષની જેમ આ વર્ષે પણ એક અનોખી અને પ્રેરણાદાયી થીમ પસંદ કરવાની પોતાની પરંપરા જાળવી રાખી હતી.
આ સમગ્ર મહોત્સવનું આયોજન ત્રણ અલગ-અલગ સ્લોટ્સમાં કરવામાં આવ્યું હતું, જેમાં પ્રાયમરીથી લઈને ધોરણ ૧૧ સુધીના તમામ વિદ્યાર્થીઓએ ઉત્સાહપૂર્વક ભાગ લીધો હતો.
વિઝનરી મેનેજમેન્ટનું માર્ગદર્શન
૨૮ વર્ષની આ સફળ સફર અને આજના ભવ્ય કાર્યક્રમનું આયોજન શાળાના મેનેજમેન્ટના કુશળ નેતૃત્વ હેઠળ કરવામાં આવ્યું હતું: જેમાં
શ્રી કિરણ જી. વૈદ્ય (ચેરમેન)
શ્રી ધ્રુવ જી. વૈદ્ય (મેનેજિંગ ટ્રસ્ટી)
શ્રી વશિષ્ઠ કે. વૈદ્ય (ટ્રસ્ટી)
શ્રી મેઘ ડી. વૈદ્ય (ટ્રસ્ટી) આ સમગ્ર કાર્યક્રમ ને માર્ગદર્શન આપ્યું હતું
થીમ-આધારિત શિક્ષણ
ઝેન સ્કૂલની વિશેષતા એ છે કે તેની વાર્ષિક થીમ માત્ર સાંસ્કૃતિક કાર્યક્રમ પૂરતી મર્યાદિત નથી હોતી. આખું વર્ષ શાળાની તમામ શૈક્ષણિક અને સહ-અભ્યાસિક પ્રવૃત્તિઓ ‘અહં બ્રહ્માસ્મિ’ થીમની આસપાસ જ વણાયેલી રહી હતી.
વાલીઓનો સન્માનભર્યો પ્રતિભાવ
કાર્યક્રમના અંતે મોટી સંખ્યામાં ઉપસ્થિત વાલીઓએ ઝેન સ્કૂલના ૨૮ વર્ષના યોગદાનને બિરદાવ્યું હતું અને મેનેજમેન્ટ તથા શિક્ષકોનો હૃદયપૂર્વક આભાર માન્યો હતો. વાલીઓએ જણાવ્યું હતું કે શાળાની શિસ્ત અને સંસ્કાર આપવાની પદ્ધતિ અજોડ છે.
માતૃરક્ષા ન્યૂઝ ગોપાલ ચાવડા
